ԱՄՆ ՄԶԳ կողմից ֆինանսվորվող «Գործուն քաղաքացիական հասարակություն» ծրագրի պաշտոնական բացումը։ Ապրիլ 18, 2023
Այսօր տեղի ունեցավ «Գործուն քաղաքացիական հասարակություն» ծրագրի պաշտոնական բացման արարողությունը։ Ծրագիրը ֆինանսավորում է ԱՄՆ Միջազգային զարգացման գործակալությունը, իրականացնում՝ Քաունթերփարթ Ինթերնեշնլը՝ «Ուրբան» կայուն զարգացման հիմնադրամի հետ համատեղ: Այս 5-ամյա ծրագրի նպատակն է հզորացնել Հայաստանում քաղաքացիական հասարակության կազմակերպությունները՝ բարելավելով ֆինանսական կենսունակությունը, կարողությունների զարգացումը, քաղաքականության մշակման գործում ներգրավվածությունը և դրամաշնորհների ֆոնդի միջոցով տեղական զարգացման գործիքների կիրառումը:
Միջոցառմանը ներկա էին կառավարության անդամներ, քաղաքացիական հասարակության առաջնորդներ, մասնավոր հատվածի ներկայացուցիչներ և այլ շահագրգիռ կողմեր՝ ծանոթանալու ծրագրի նպատակներին, ակնկալվող արդյունքներին, առկա հնարավորություններին, ինչպես նաև քննարկելու փոխշահավետ գործընկերության հնարավորություններն ու մարտահրավերները:
Ծրագիրը կներառի մի շարք գործողություններ քաղաքացիական հասարակության կազմակերպությունների ֆինանսական կենսունակության ապահովման և դրամահավաք գործունեության վերաբերյալ, փաստահեն քաղաքականության դիսկուրսում քաղաքացիական հասարակության կազմակերպություններին աջակցության տրամադրումը՝ հետազոտություն անցկացնելու, դրամահավաքի և եկամուտների աղբյուրների բազմազանեցման նպատակով հմտությունների զարգացման միջոցով, համայնքահեն կազմակերպությունների կառավարման համակարգերի հզորացումը: Այս ամենը ծրագրում ներառված կազմակերպություններին հնարավորություն կտա արդյունավետ կերպով լուծել տեղական զարգացման մարտահրավերները՝ կիրառելով նորարարական լուծումներ:
«Վերջին 30 տարիների ընթացքում ԱՄՆ ՄԶԳ-ն եղել է Հայաստանում քաղաքացիական հասարակության զարգացման հիմնական աջակիցներից մեկը: Նոր՝ «Գործուն քաղաքացիական հասարակություն» ծրագրի շնորհիվ մենք կշարունակենք ներդրումներ կատարել հայաստանյան քաղաքացիական հասարակության կազմակերպչական և ինստիտուցիոնալ զարգացման գործում: Ծրագիրը կշարունակի ամրապնդել ոլորտի կայունությունն ու ֆինանսական կենսունակությունը՝ ներուժի իրացման նոր հարթակ տրմադրելով կազմակերպություններին», — ասաց ԱՄՆ Միջազգային զարգացման գործակալության հայաստանյան առաքելության տնօրեն Ջոն Ալելոն: Քաունթերփարթ Ինթերնեշնլի գործադիր տնօրեն Էնն Հադոկը ներկաներին ուղղված իր տեսաուղերձում նշեց. «Մենք ուրախ ենք ստեղծել գործընկերության նոր հնարավորություններ, ամրապնդել հները և աջակցել Հայաստանի քաղաքացիական հասարակության կառույցներին հասնել իրենց նպատակներին: Քաունթերփարթը աջակցում է տեղացի գործընկերներին՝ համայնքները դարձնելու ավելի ուժեղ և դիմակայուն։ Տեղացի առաջնորդների, կազմակերպությունների և մարդկային կապերի լայն շրջանակի միջոցով մենք զարգացնելու ենք բազմոլորտ համայնքային գործընկերություններ: «Գործուն քաղաքացիական հասարակություն» ծրագիրը գալիս է կյանքի կոչելու այս ամենը»: