Օգտագործելով միջազգային դոնորների, տեղական ինքնակառավարման մարմինների և քաղաքացիական հասարակության աջակցության իր փորձառությունը՝ «Ուրբան» Հիմնադրամը առաջարկում է ծառայությունների ամփոփ փաթեթներ, որոնք ուղղված են տեղական հաստատությունների ամրապնդմանը, համայնքների հզորացմանը և կայուն լուծումների ապահովմանը։
Ծառայությունների հիմնական ուղղությունները
- Կառավարում և իրավաբանական խորհրդատվություն․ Տեղական ինքնակառավարման օրենսդրության և բնակարանային քաղաքականության ամրապնդում։
- Քաղաքաշինություն և բնակարանային ոլորտ․ Դիմակայուն քաղաքների և մատչելի բնակարանային լուծումների մշակում։
- Շրջակա միջավայրի պահպանություն․ Միասնական՝ բնապահպանական, սոցիալական և կառավարման մոտեցման (ESG) ինտեգրում, կլիմայի փոփոխության հարմարվողականություն, աղետների ռիսկի նվազեցում, համապատասխանություն բնապահպանական պահանջներին և շրջակա միջավայրի վիճակի գնահատումներ։
- Կարողություններ բարելավում․ Տեղայնացված ուսուցում բոլոր ոլորտներում՝ պրակտիկ և գործընկերային ուսուցմամբ։
Ծառայությունների կատալոգի տարեկան փաթեթներ
- Ներածական (300,000 դրամ/տարի)․ Թեմատիկ ներածական դասընթացներ, սահմանափակ խորհրդատվություն, մեկ գործընկերային ուսուցում։
- Ստանդարտ (600,000 դրամ/տարի)․ Նպատակային դասընթացներ, ամենամսյա խորհրդատվություն, կանոնավոր պրակտիկ և գործընկերային ուսուցում։
- Խորացված (1,000,000 դրամ/տարի)․ Խորացված դասընթացներ, անսահմանափակ խորհրդատվություն, պրակտիկ և գործընկերային, այդ թվում՝ միջազգային ուսուցում։
Ավելացված արժեք
«Ուրբան» Հիմնադրամի ծառայությունների կատալոգը նախատեսված է՝
- Համայնքապետարանների աջակցություն․ գործնական գործիքներով կառավարման և ծառայությունների մատուցման համար։
- Քաղաքացիական հասարակության աջակցություն․ ֆոնդահայթայթման, առաջնորդության և կարողությունների բարելավման միջոցով։
- Համայնքային համախմբում․ քաղաքացիների մասնակցություն, կլիմայի փոփոխության հարմարվողականություն և դիմակայունության պլանավորում։
- Համապատասխանություն բնապահպանական պահանջներին․ բնապահպանական չափանիշների պահպանման և քաղաքաշինական ռազմավարությունների ամրապնդման համար։
Ինչու՞ ընտրել «Ուրբան» Հիմնադրամը
- Ապացուցված փորձ․ Ավելի քան երկու տասնամյակ ջրային կառավարման, թափոնների կառավարաման, բնակարանային և համայնքային զարգացման ոլորտներում։
- Միջազգային լավագույն փորձ․ Ծառայություններ, որոնք համահունչ են միասնական՝ բնապահպանական, սոցիալական և կառավարման մոտեցման (ESG), կլիմայական կայունության և աղետների ռիսկի նվազեցման միջազգային չափանիշներին։
- Տեղական փորձագիտական գիտելիք․ Տարիների փորձառության վրա հիմնված գիտելիք Հայաստանի համայնքների, օրենսդրության և համայնքների կարիքների մասին։
- Վերապատրաստման համապարփակ փաթեթներ․ Վերապատրաստման ճկուն մակարդակներ՝ Ներածական, Ստանդարտ, Խորացված, որոնք համադրում են ուսուցում, խորհրդատվություն, պրակտիկ և գործընկերային ուսուցում։