ԱՐԺԱՆԱՊԱՏԻՎ ԿՅԱՆՔ՝ ԱՌՈՂՋ ՄԻՋԱՎԱՅՐՈՒՄ

Ուրբան Հիմնադրամի առաքելությունն է նպաստել Հայաստանի բնակավայրերի կայուն և ներդաշնակ զարգացմանը՝ տեղական ժողովրդավարության խթանման, կյանքի որակի բարելավման, տարածաշրջանային համագործակցության զարգացման միջոցով:

Մեր գործունեությունն ուղղված է բացառապես արդյունքների ձեռքբերմանը` ձգտելով ապահովել առավելագույն որակ ու արժեք: Վստահ ենք, որ ստեղծագործական մոտեցումը, բազմաոլորտ համագործակցությունը և հարգանքն այլակարծության նկատմամբ մեր աշխատանքը դարձնում է առավել արդյունավետ և շարունակական: Մենք ունենք պետական, տարածաշրջանային և միջազգային գործընկերների և դոնորների հետ համագործակցության լայն փորձ և շարունակաբար փնտրում ենք համախոհների և գաղափարակիցների:

Մենք հատկապես հպարտ ենք Հայաստանի տարբեր մարզերում մեր ամենօրյա աշխատանքի արդյունքում ստեղծված տեղական ՀԿ-ների ցանցով, որը մեր առաքելությանը տալիս է հավելյալ արժեք` հնարավորություն ընձեռելով տարածել կազմակերպության գործունեությունը Երևանի կենտրոնում գտնվող գրասենյակից շատ ու շատ հեռու: Մեր կարևոր նպատակներից է դասընթացների, համատեղ ծրագրերի և տեղեկատվության տրամադրման միջոցով հզորացնել տեղական ակտիվիստներին և դարձնել նրանց ժողովրդավարական արժեքների կրողներ իրենց շրջաններում: