Տարածաշրջանային համագործակցություն

Մարտի 1 – Հոկտեմբերի 31 – ՄԱՔՈՒՐ ԵՐԿԽՈՍՈՒԹՅՈՒՆ․ Լավագույն գործելակերպերի փոխանակում պլաստիկ թափոնների կառավարման ոլորտում Հայաստանի և Թուրքիայի ՔՀԿ-ների և մասնագետների միջև

Ծրագրի նկարագրությունը

Ծրագիրը նպատակն է նպաստել Հայաստանի և Թուրքիայի ՔՀԿ-ների, թափոնների կառավարման մասնագետների, ոլորտի իշխանությունների և մասնավոր հատվածի միջև համագործակցությանը։ Պլաստիկ թափոնների արդյունավետ կառավարումը կնվազեցնի դրանց ծավալները և բացասական ներգործությունը մարդու առողջության և շրջակա միջավայրի վրա: Քանի որ խնդիրը երկու երկրների բնապահպանական ՔՀԿ-ների հետաքրքրության կենտրոնում է, ծրագիրը նրանց հնարավորություն կտա համատեղ քննարկել լուծումներ կամ մեղմացնող միջոցառումներ, ինչպես նաև միմյանց փոխանցել ոլորտի ունեցած փորձը։ Կրճատելուց բացի, պլաստիկ թափոնների վերամշակումը ոչ միայն կանխում է դրանց տարածումը, այլև դարձնում դրանք հանրային բարիք համայնքների համար և ստեղծում տնտեսական հնարավորություններ գործարարների և անհատների համար:

Ծրագրի տևողությունը

Մարտի 1- հոկտեմբերի 31, 2018թ

Ֆինանսավորող՝ ԵՄ/Շվեդիայի արտաքին գործերի նախարարություն/Եվրասիա համագործակցության հիմնադրամ

ՄԱՔՈՒՐ ԵՐԿԽՈՍՈՒԹՅԱՆ. պլաստիկ աղբի կառավարման լավագույն փորձի փոխանակումը Հայաստանի և Թուրքիայի ՔՀԿ-ների և մասնագետների միջև…. ⇒


Մարտի 13, 2018թ.՝ այցելություն Դիարբեքիր…. ⇒


Աշխատաժողով-մասնագիտական քննարկում (Դիարբեքիր, 12-13-ը հունիսի)…. ⇒

Մայիսի 1- Նոյեմբերի 30 – «Գիտենալու իրավունք» ՖԷ հիմնադրամի սեմինարների նախկին մասնակիցների վերապատրաստում՝ որպես Հայաստանի եվրաինտեգրման հարցերով փորձագետներ

Ամփոփիչ սեմինար Աղվերանում

Ս./թ․ դեկտեմբերի 8-10-ն ընկած ժամանակահատվածում Ուրբան հիմնադրամը` Ֆրիդրիխ Էբերտ հիմնադրամի ֆինանսական օժանդակությամբ, Աղվերանում կազմակերպել էր ՀՀ – ԵՄ համապարփակ և ընդլայնված գործընկերության համաձայնագրին (ՀԸԳՀ) նվիրված սեմինար։ Գյումրին, Գորիսը, Ալավերդին և Երևանը ներկայացնող ուսանողներ և հասարակական կազմակերոպությունների անդամներ հավաքվել էին ծանոթանալու վերոհիշյալ փաստաթղթի ստորագրմանը նախորդող պատմությանը և դրա հիմնական սոցիալական, քաղաքական և բնապահպանական դրույթներին։ Սեմինարի ընթացքում մասնակինցները հնարավորություն ունեցան ազատորեն իրենց կարծիքը հայտնել ներկայացված թեմաների շուրջ։


Ծրագրի նպատակն է շարունակել մեծացնել ՖԷ հիմնադրամի սեմինարներին մասնակից երիտասարդների կարողությունները, բարելավել և համակարգել նրանց գիտելիքներ Հայաստան-ԵՄ հարաբերություների վերաբերյալ, վերապատրստել նրանց որպես դասընթացավարների Հայաստանի տարբեր մարզերում:

Ծրագրի ակնկալվող արդյունքներն են.
– 30 մասնակից կբարելավեն և կհամակարգեն իրենց գիտելիքները Հայաստանի վերջին ժամանակահատվածի եվրաինտեգրման գործընթացի վերաբերյալ: Նրանք նախորդ սեմինարներից ստացած գիտելիքների հիման վրա կմշակեն թեզեր՝ նաև առաջարկելով, թե ինչպե՞ս են բարձրացնելու բնակչության իրազեկությունը Հայաստան-Եվրամիություն խնդրների վերաբերյալ:
– 10-15 ընտրված մասնակից կմշակեն փոքր ծրագրեր՝ հիմնվելով իրենց թեզերի վրա՝ նկարագրելով, թե ինչպե՞ս են տարածելու տեղեկատվությունը ԵՄ-ի հետ Հայաստանի ինտեգրացման խնդիրների վերաբերյալ:
– 10 մասնակից հնարավորություն կունենան այցելել Եվրոպա՝ ԵՄ/Եվրոպայի խորհրդի գրասենյակներ:

Ամփոփիչ աշխատաժողով_ ՖԷ հիմնադրամ

“Գիտենալու իրավունք” ծրագրի աշխատա֊ժողովի երկու ամփոփիչ օրերը տեղի ունեցան սույն թվականի նոյեմբերի 21 ին և 22֊-ին Երևանի պետական համալսարանի Եվրոպական ուսումնասիրությունների կենտրոնում՝ ազդարարելով սույն թվականի մայիսի 1-ից նախաձեռնած ծրագրի ավարտը։ Ծրագիրը իրականացվել է Ուրբան հիմնադրամի կողմից՝ Ֆրիդրիխ Էբերտ հիմնադրամի օժանդակությամբ։ Աշխատաժողովին ժամանել էին դոնոր կազմակերպությունը և փորձագիտական համայնքը ներկայացնող մի շարք հյուրեր, որոնց թվում էին Ֆելիքս Հեթը՝ հարավային Կովկասի տարածաշրջանային գրասենյակի տնօրեն, պրն. Արա Պապյանը և պրն. Սոս Ավետիսյանը: Գորիսի պետական համալսարանը, Երևանի պետական համալսարանի Իջևանի մասնաճյուղը և Շիրակի Մ.Նալբանդյանի պետական համալսարանը ներակայացնող տասնյոթ ուսնողեր ներակայացրեցին իրենց աշխատանքները, որոնց շարքում էին «Հայաստանի Հանրապետության որդեգրած հակակոռուպցիոն քաղաքականությունը» , «Արդյո՞ք կապ գոյություն ունի ֊ժողովրդավարության և տնտեսական առաջխաղացման միջև» և «Հայաստան-ԵԱՏՄ ինետգրացիոն գործընթացների տնտեսական արդյունքները»։ Ծրագրի ավարտին ուսանողներին հանձվեցին մասնակցության հավաստագրերը։